ສປປ ລາວ ກຳລັງເຮັດຫຍັງ ໃນວັນດິນຖ່ານຕົມໂລກ?
ວັນດິນຖ່ານຕົມໂລກ ແມ່ນວັນທີ 2 ມິຖຸນາ ຂອງທຸກໆປີ ເຊິ່ງໄດ້ຖືກກຳນົດຂຶ້ນໂດຍ ສະມາຄົມດິນຖ່ານຕົມສາກົນ ໃນປີ 2019.
ດິນຖ່ານຕົມແມ່ນຫຍັງ? ດິນຖ່ານຕົມແມ່ນດິນຊະນິດໜຶ່ງຂອງດິນບໍລິເວນນໍ້າ ທີ່ກໍ່ຕົວຂຶ້ນຈາກການເໜົ່າເປື່ອຍຂອງຂອງຊາກພືດ (ຮາກ, ໃບ, ລໍາຕົນ ແລະ ອື່ນໆ) ທີ່ສະສົມເປັນເວລາດົນນານ, ບາງຄັ້ງດົນເຖິງຫຼາຍພັນປີ.
ການສະສົມຂອງທາດອິນຊີວັດຖຸນີ້ ເຮັດໃຫ້ດິນຖ່ານຕົມເປັນແຫຼ່ງສໍາຄັນໃນການກັກເກັບທາດອາຍກາກບອນ ຊຶ່ງເທົ່າກັບ 30 ເປີເຊັນ ຂອງກາກບອນໃນດິນທົ່ວໂລກ ຊຶ່ງຫຼາຍກວ່າທາດກາກບອນທີ່ຢູ່ປ່າໄມ້ລວມກັນທັງໝົດ. ການກັກເກັບທາດອາຍກາກບອນໃຫ້ຢູ່ໃນຮູບແບບທໍາມະຊາດນີ້ ມີຄວາມສຳຄັນຫຼາຍ ໃນການແກ້ໄຂບັນຫາການປ່ຽນແປງດິນຟ້າອາກາດ.