LaoEnglish (United Kingdom)

Login Form



ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຈຳນວນຜູ້ເຂົ້າຊົມ ວັນນີ້36
mod_vvisit_counterຈຳນວນຜູ້ເຂົ້າຊົມ ມື້ວານ0
mod_vvisit_counterຈຳນວນຜູ້ເຂົ້າຊົມ ສັບປະດານີ້36
mod_vvisit_counterຈຳນວນຜູ້ເຂົ້າຊົມ ສັບປະດານີ້ຜ່ານມາ493
mod_vvisit_counterຈຳນວນຜູ້ເຂົ້າຊົມ ທັງໝົດເດືອນນີ້2243
mod_vvisit_counterຈຳນວນຜູ້ເຂົ້າຊົມ ທັງໝົດເດືອນຜ່ານມາ2413
mod_vvisit_counterລວມທັງຫມົດ110080

Online (20 minutes ago): 4
Your IP: 54.224.18.114
,
Today: ພ. ຈ. 20, 2017

Who's Online

ເຮົາມີ 6 ບຸກຄົນທົ່ວໄປ ອອນໄລນ

Nam Ton website

ຄວາມເປັນມາ ສວນສາທິດ PDF ພິມ ອີເມລ

ຮ່າງ ບົດ​ສະ​ເໜີ ​ເບື້ອງ​ຕົ້ນ​

ໃນ​ ການ​ສ້າງ​ສວນ​ສາທິດ​ ແຫ່ງ​ຊາດ ກ່ຽວ​ກັບ ການ​ຄຸ້ມ​ຄອງ​ຊັບພະຍາກອນ​ນ້ຳ ​ແບບ​ປະສົມ​ປະສານ

ທີ່​ ອ່າງ​ແມ່ນ້ຳຍ່ອຍ​ນ້ຳ​ເປາະ  ​ເມືອ​ງວັງ​ວຽງ, ​ແຂວງ​ ວຽງຈັນ.

 

-    ອີງຕາມ ຂໍ້ຕົກລົງ ວ່າດ້ວຍ ການຈັດຕັ້ງ ແລະ ການເຄື່ອນໄຫວ ຂອງ ກົມຊັບພະຍາກອນນ້ຳ ສະບັບເລກທີ 3089/ ກຊສ ລົງວັນທີ 17 ພຶດສະພາ 2012. (ມາດຕາ12. ຂໍ້12.4 ສ້າງ ແລະ ຄຸ້ມຄອງ ສວນສາທິດແຫ່ງຊາດ ກ່່ຽວກັບ ການຄຸ້ມຄອງ ຊັບພະຍາກອນນໍ້າ ແບບປະສົມປະສານ ເພື່ອຮັບໃຊ້ແກ່ການຝຶກອົບຮົມ, ເປັນບ່ອນສຶກສາຄົ້ນຄວ້າ ຂອງ ນັກຮຽນ-ນັກສຶກສາ, ການທັດສະນະສຶກສາ ແລກປ່ຽນບົດຮຽນ ແລະ ເປັນບ່ອນສ້າງຈິດສຳນຶກ).

-    ອີງຕາມຮ່າງແຜນຍຸດທະສາດຊັບພະຍາກອນນໍ້າ ແຫ່ງຊາດ ແຕ່ນີ້ຮອດປີ 2020 ແລະ ແຜນດຳເນີນງານ 2011-2015 ຊຶ່ງໄດ້ສະເໜີຜ່ານກອງປະຊຸມລັດຖະບານສະໄໝສາມັນ ປະຈຳເດືອນ ພຶດສະພາ 2011,ສະບັບເລກທີ05/ລບ, ລົງວັນທີ 9 ມິຖຸນາ 2011.

-    ອີງຕາມແຜນການຂອງ ຂະແໜງການຊັບພະຍາກອນທຳມະຊາດ ແລະ ສິ່ງແວດລ້ອມ ສົກປີ 2013-2014 ສະບັບເລກທີ 1851/ກຊສ, ລົງວັນທີ 20 ມີນາ 2013.(ໂລແມັງ III.3.1, ຂໍ້7: ສືບຕໍ່ສຶກສາ ແລະ ອອກແບບສ້າງສວນສາທິດ ການຄຸ້ມຄອງ ຊັບພະຍາກອນນໍ້າ ແບບປະສົມປະສານ ທີ່ເມືອງວັງວຽງ ແຂວງວຽງຈັນ)

 

ຄວາມ​ຈຳ​ເປັນ​ ໃນ​ການ​ສ້າງ​ສວນ​ສາທິດ

ສປປ ລາວ ມີຊັບພະຍາກອນນໍ້າ ທີ່ອຸດົມສົມບູນ ແລະ ມີທ່າແຮງທີ່ສຳຄັນ ຕໍ່ການປະກອບສ່ວນເຂົ້າໃນການພັດທະນາ ເສດຖະກິດ ສັງຄົມ ແລະ ຫຼໍ່ລ້ຽງສິ່ງແວດລ້ອມ ແຕ່ວ່າ ປະເທດເຮົາຍັງບໍ່ມີສວນສາທິດຈັກແຫ່ງ ດັ່ງນັ້ນ ມີຄວາມຈຳເປັນ ໃນການສ້າງສວນສາທິດ ແຫ່ງທຳອິດ ຂອງ ປະເທດ ເພື່ອຮັບໃຊ້ແກ່ການຝຶກອົບຮົມ, ເປັນບ່ອນສຶກສາຄົ້ນຄວ້າ ຂອງ ນັກຮຽນ-ນັກສຶກສາ, ການທັດສະນະສຶກສາແລກປ່ຽນບົດຮຽນ ທັງພາຍໃນ ແລະ ຕ່າງປະເທດ, ເປັນບ່ອນສ້າງຈິດສໍານຶກ ແລະ ອື່ນໆ ເພື່ອເປັນຕົວແບບ ແລະ ນຳໃຊ້ບົດຮຽນ ດັ່ງກ່າວ ໄປໝູນໃຊ້ຢູ່ບ່ອນອື່ນ ໃນຂອບເຂດທົ່ວປະເທດ.

  1. ເປັນສະຖານທີ່ ທີ່ສະແດງໃຫ້ເຫັນ ສະພາບພື້ນທີ່ຕົວຈິງ ໃນການຈັດຕັ້ງປະຕິບັດ ບັນດາກິດຈະກຳ ກ່ຽວ​ກັບ ການ​ຄຸ​ມ້ຄອງ​ ຊັບພະຍາ​ກອນ​ນໍ້າ ​ແບບ​ປະສົມ​ປະສານ ​ໃນ​ລະດັບ​ອ່າງ​ແມ່​ນໍ້າ;
  2. ​ເປັນ​ສວນສາທິດ​ໃນການ​ຄຸ​ມ້ຄອງ​ ຊັບພະຍາ​ກອນ​ນໍ້າ ​ແບບ​ປະສົມ​ປະສານ  ແຫ່ງ​ທຳ​ອິດ​ຂອງ ສປປ ລາວ;

3. ເພື່ອ​ເປັນ​ບ່ອນ​ໃຫ້​ຄວາມ​ຮູ້​​ ແກ່​ສາທາລະນະ​ ໃນວຽກງານການ​ຄຸ້ມ​ຄອງ ຊັບພະຍາກອນ​ນ້ຳ​ ແບບ​ປະສົມ​ປະສານ;

4. ເພື່ອເປັນ​ບ່ອນ ທັດສະນະ​ສຶກສາ ​ແລະ ​ແລກປ່ຽນບົດ​ຮຽນ ທັງ​ພາຍ​ໃນ ​ແລະ ຕ່າງປະ​ເທດ;

5. ເພື່ອເປັນບ່ອນສາທິດ ​ໃນ​ການ​ຄຸ້ມ​ຄອງນຳ​​ໃຊ້ ຊັບພະຍາກອນ​ທຳ​ມະ​ຊາດ ​ແບບ​ຍືນ​ຍົງ ​ໂດຍການຮັກສາ​ປ່າ​ຍອດ​ນໍ້າ ​ເຊັ່ນ: ສົ່ງ​ເສີມ​ຊາວບ້ານ​ປົກປັກ​ຮັກສາ​ປ່າ​ຍອດ​ນໍ້າ ​ໂດຍ​ໃຫ້​ເຂົາ​ເຈົ້າ​ສ້າງ​ລະບຽບ​ຂອງ​ເຂົາ​ເອງ, ສົ່ງ​ເສີມ​ໃຫ້ຊາວບ້ານມີ​ອາຊີບຄົງ​ທີ່, ສົ່ງ​ເສີມ​ໃຫ້ເປັນແຫຼ່ງທ່ອງ​ທ່ຽວທາງ​ທຳ​ມະ​ຊາດ; 

6. ເພື່ອເປັນ​ບ່ອນສາທິດສຶກສາຄົ້ນຄ້ວາ ​ແລະ ຝຶກ​ອົບຮົມ​ໃຫ້​ແກ່ ນັກຮຽນ, ນັກ​ສຶກສາ ​ ​ແລະ​ ພາກ

ສ່ວນ​ຕ່າງໆ  ທາງ​ດ້ານ ການ​ຄຸ້ມ​ຄອງ, ພັດທະນາ ​ແລະ ນຳ​ໃຊ້​ຊັບພະຍາກອນ​ນໍ້າ ​ເພື່ອ​ໃຫ້​ເກີດ​ປະ​ໂຫຍ​ດສູງ​ສຸດ;

7. ເພື່ອ​ເປັນ​ຕົວແບບໃນການ​​ສ້າງ​ຈິດ​ສຳນຶກ ດ້ານການ​ຄຸ້ມ​ຄອງ ພັດທະນາ ແລະ ນຳໃຊ້ຊັບພະຍາ

ກອນ​ທຳມະຊາດ ແບບຍືນຍົງ ໃຫ້​ແກ່: ນັກຮຽນ, ນັກສຶກສາ, ຊຸມຊົນ, ນັກທ່ອງທ່ຽວ ແລະ ພາກສ່ວນອື່ນໆ;

ການສະ​ເໜີເລືອກເອົາ​ເຂດ ນໍ້າເປາະ ເປັນສວນສາທິດແຫ່ງຊາດ

  1. ພູມ​ສັນຖານ ອ່າງແມ່ນໍ້າຍ່ອຍນ້ຳເປາະ ມີ 7 ​ຫ້ວຍ ​ຊຶ່ງແຕ່​ລະ​ຫ້ວຍ ທີ່ມີ​ຄວາມ​ສົມບູນ​ທາງ​ດ້ານ​ລະບົບນິເວດ​ຂອງ​ແມ່ນ້ຳ ​, ມີ​ລັກສະນະ​ທີ່​ແຕກ​ຕ່າງ​ກັນ. ນອກນັ້ນ ຍັງມີ ​ພູ​, ຜາ, ເຫວສູງ​ຊັນ, ທົ່ງພຽງ, ມີທັດສະນິຍະພາບທີ່​ສວຍງາມ ທາງທໍາມະຊາດ ຖ້າ​ເບິ່ງ​ລົງ​ມາຈາກເທີງພູ ຈະສາມາດ​ເຫັນທິວທັດ​ເທດສະບານ​ຕົວ​ເມືອງ​ວັງ​ວຽງ, ເປັນເງື່ອນໄຂ ​ເໝາະ​ສົມແກ່​ການ​ສ້າງ​ເປັນ​ສວນ​ສາທິດ;
  2. ອ່າງແມ່ນໍ້າຍ່ອຍນ້ຳເປາະ ຕັ້ງຢູ່ເຂດເມືອງວັງ​ວຽງ, ຊຶ່ງ​ເປັນ​ເຂດ​ທ່ອງ​ທ່ຽວ,  ​ເຂົ້າ​​ເຖິງ​ງ່າຍ ຍ້ອນມີເສັ້ນທາງອ້ອມຮອບ ຈຶ່ງມີຄວາມສະດວກສະບາຍ ໃນການເຂົ້າໄປຢ້ຽມຊົມ;
  3. ໃນ​ເຂດອ່າງແມ່ນໍ້າຍ່ອຍນ້ຳເປາະ ມີ​ປະຊາຊົນຫຼາຍຊົນເຜົ່າ ແລະ ມີຄວາມຫຼາກຫຼາຍ ໃນການດຳລົງຊີວິດ ແລະ ວັດທະນະທຳ;
  4. ການ​ນຳ​ໃຊ້​ທີ່​ດິນ​ ໃນ​ເຂດ​ດັ່ງກ່າວ ​ມີ​ຫຼາຍ​ຮູບ​ແບບ ​​ເຊັ່ນ​ວ່າ: ຍັງ​ມີການ​ຖາງ​ປ່າ​ເຮັດ​ໄຮ່, ການ​ປູກຝັງ​ລ້ຽງສັດ ​ແລະ ສວ່ນ​ໃຫ່ຍ ຍັງ​ຍືດຖື ​​ອາຊີ​ບ​ກະສິກໍາ​​ແບບ​ດັ່ງ​​ເດີມ ແລະ ເຮັດ​ສວນ​ຜັກ​ຕາມ​ ລຳ​ແມ່ນ້ຳ;
  5. ສະພາບທີ່ດິນ,ປ່າໄມ້, ນ້ຳ ແລະ ຊີວະນາໆພັນ ໃນເຂດດັ່ງກ່າວ  ຄວນມີການຄຸ້ມຄອງ, ຟື້ນຟູ ປົກປັກຮັກສາ ແລະ ພັດທະນາ ເພື່ອໃຫ້ມີຄວາມຍືນຍົງ;
  6. ອ່າງແມ່ນໍ້າຍ່ອຍນ້ຳເປາະ ເປັນສາຂາອ່າງແມ່ນໍ້າຊອງ ຊຶ່ງເປັນອ່າງແມ່ນໍ້າບູລິມະສິດ ແລະ ເປັນຕົວແບບ ໃນການຄຸ້ມຄອງ ຊັບພະຍາກອນນໍ້າ ແບບປະສົມປະສານ, ສະນັ້ນເພື່ອເປັນການສືບຕໍ່, ຈຶ່ງໄດ້ເລືອກເອົາ ອ່າງແມ່ນໍ້າຍ່ອຍນ້ຳເປາະ ທີ່ເປັນສາຂາອ່າງ​ແມ່ນໍ້າຊອງ ເພື່ອ ​ສ້າງ​ສວນ​ສາທິດ ແລະ​ ເປັນຕົວແບບ​ ໃຫ້ອ່າງແມ່ນໍ້າອື່ນໆ ໃນຂອບເຂດທົ່ວປະເທດ​.